رقمنا | تسعة أسئلة تعرف بيهم متطلبات وإلتزامات العمل الخاص
رقمنا | تسعة أسئلة تعرف بيهم متطلبات وإلتزامات العمل الخاص
 |
| الرقم تسعة |
في المراحل والأسئلة الي فاتت تكلمنا على جانب هام في رائد الأعمال أو الناس الي عاوزه تبدأ حره وهي سمات الشخصية وخبرات العمل ومهارات الإدارة وكان معنا جزئين هامين من الأسئلة تقدر ترجع ليهم من خلال المقال الاول والمقال الثاني وفي المقال ده هنواجه تحدي جديد من الأسئلة المهمة برضه المتعلقة متطلبات والتزامات العمل الخاص والأسئلة دي مهم جدا تعرف بيها هل هتتحمل تبعات العمل الحر والنتائج المحبطة في بعض الأحيان والخسارات وزي متفقنا جمع الإجابات مع الأجابات السابقة واحتفظ بيها .
عارف إن العمل الخاص ممكن يحتاج ساعات عمل طويلة؟
مستعد تتعامل مع فكرة إن الفلوس اللي هتطلع من المشروع مش ثابتة كل شهر؟
عيلتك مستعدة تتفهم الأعباء الجديده اللي هيفرضها عليك المشروع؟
عارف إن بداية أي مشروع هتحتاج صرف مبالغ مش قليلة وإن مش هيجي لك عائد مباشرة؟
عندك القدرة على الفصال والوصول لحلول وسط في الاتفاقات؟
عارف إن العمل الخاص بيحتاج إنك تبني عاقات طيبة مع اللي بتتعامل معاهم سواء زباين أو موردين أو حتى منافسين؟
مستعد تواجه ضغوط المنافسة والصراعات في السوق؟
عارف إنك لازم كل شوية تطور منتجك حسب الذوق وتتابع الجديد اللي بيقدمه المنافسين؟
عارف إن في نسبة مخاطرة في إنك تفتح مشروع خاص وإن في حالة عدم النجاح الفلوس اللي حطتها في المشروع هتخسرها؟
ليست هناك تعليقات