12 سؤال هتعرف بيهم نفسك تنفع ولا لأ
12 سؤال هتعرف بيهم نفسك تنفع ولا لأ
شباب كتير وناس كتير بتفكر تفتح وتدير مشاريع وأعمال بس بينسوا يسألوا نفسهم هل يا تري أنا أنفع أعمل مشروع ولا لأ علشان كدا هنفكر مع بعض ونسأل نفسنا شوية أسئلة علشان نوصل بيها للإجابة الصحيحة الي هتوفر علينا وقت وجهد وفلوس وهنبقى عارفين خطوتنا وعارفين نروح فين .إحنا هنا هنركز في المقالة دي عن السمات الشخصية يعني انت تمتلك إيه يأهلك تبقى رائد أعمال أو صاحب مشروع وهتكلم برضه عن الخبرات السابقة في العمل وبرضه مهاراتك في الإدارة
تعليمات : ده مش كورس أو مذاكرة بس يفضل تجيب ورقة وقلم وتكتب السؤال ومتجوبش فكر بعد كل سؤال شويه يجي 5دقائق كدا ولا حاجه وقرر الإجابه وتكون معتمدة ومتلخصه وواضحه ومنطقيه برضه مش عبط كدا دور كويس جو نفسك وركز أوي ويريت تكون وحدك في مكان هادي لو مش فاهم السؤال متكسلش ابحث عنه أو إسأل حد قريب منك المهم تكون صادق مع نفسك ومركز أوي .
ودي أهم وأول مجموعة من الأسئلة المهمة في المواضيع دي:
مستعد تقدم وقتك وجهدك وفلوسك عشان تتعلم حاجة جديدة؟عندك طموح تكون أحسن؟
تقدر تتعامل مع الناس على اختلاف طباعهم؟
انت شاطر في حاجة معينة والناس بتحكي عنها؟
اشتغلت قبل كده؟
عندك موهبة أو هواية بتقضي فيها وقت من غير ملل؟
شايف إنك تقدرتستفيد من موهبتك أو المهارة اللي عندك؟
عندك أنشطة اجتماعية أو خيرية؟
بتحبي القراءة ومتابعة الأخبار والتطورات؟
تقدر تتحمل مسئولية لوحدك؟
بتعرف تظبط مصاريفك وتتصرف بالفلوس اللي معاك؟
عندك حد في عيلتك فاتح مشروع خاص؟
بعد متجاوب على الأسئلة دي يا صحبي راجعها تاني وبص عليها بعد يومين ولو وصلت لحاجه وعاوز تعدلها عدل واحتفظ بالإجابات والورق في ملف خاص لانك كدا بدأت تفكر صح وهتحتاج الورق ده تاني علشان تكمل عليه .
تابع معايا هنسأل أسئلة تانية لحد متعرف أنت عاوز إيه أنا معاك حبيبي
ليست هناك تعليقات